მას შემდეგ რაც თქვენ გამოიწერეთ ნივთი უცხოეთის ინტერნეტ მაღაზიიდან და მიიღეთ ე.წ თრექინგ ნომერი (tracking number, tracking ID) ანუ ამანათის კოდი თქვენ შეგიძლიათ მოახდინოთ ამანათის დეკლარირება.

ჩამოტანის სერვისის გვერდზე შესაბამის ადგილას შეიყვანეთ თქვენი ამანათის კოდი (თრექინგ ნომერი) დააჭირეთ ღილაკს "დეკლარირება" და შეავსეთ დეკლარაციის გვერდზე არსებული ველები.

დეკლარაციის შევსება აუცილებელია იმისათვის რომ არ მოხდეს ამანათის ტრანსპორტირების შეფერხება. ძირითადად ეს ინფორმაცია გამომგზავნი და მიმღები ქვეყნების საბაჟო სამსახურებისათვის წარსადგენად არის საჭირო.

ასევე ამანათის დროული დეკლარირება უზრუნველყოფს თქვენს მიერ ჩვენი დამატებითი სერვისების ჩართვა-გამორთვას.

ამანათის კოდი - ე.წ ტრექინგ ნომერი რომელსაც თქვენ გიგზავნით საქონლის გამყიდველი, რითაც გატყობინებთ რომ თქვენი შენაძენი გამოგზავნილია. ამ ამანათის კოდის მეშვეობით შესაძლებელია ამანათის საწყობამდე ტრანსპორტირების სტატუსის კონტროლი.

საწყობის ადგილმდებარეობა - ქვეყანა რომლის საწყობიც მიუთითეთ ინტერნეტ მაღაზიაში შოპინგის დროს.

ნივთის კატეგორია - საბაჟოზე ნივთების იდენტიფიკაციისათვის საჭიროა სპეციალური კოდების მითითება, ისინი სახეობების მიხედვით დგინდება. კოდების მითითებას მოვახდენთ ჩვენ, მას შემდეგ რაც თქვენ აირჩევთ სიიდან შესაბამის კატეგორიას. თუ ჩამონათვალში ვერ იპოვეთ თქვენი ნივთის შესაბამის კატეგორია, მაშინ, გთხოვთ აირჩიოთ - “სხვა და სხვა მზა ნაწარმი”.

გამყიდველის ვებ გვერდი - გამყიდველის ვებ გვერდის მისამართის მითითება საშუალებას აძლევს საბაჟო სამსახურს დარწმუნდეს ამანათის წარმოშობაში. თუ თქვენს მიერ გამოგზავნილი ამანათი წარმოადგენს თქვენს პირად გზავნილს გთხოვთ, მონიშნოთ "პირადი გზავნილი".

გადაფუთვის სერვისი - ავტომატურად არის მონიშნული, თუ გსურთ რომ ამანათი არ გადაიფუთოს მონიშნეთ "არა". გაითვალისწინეთ რომ, გადაფუთვის სერვისით სარგებლობას შეუძლია შემციროს ამანათის ტრანსპორტირებაზე გაწეული ხარჯები. ამ სერვისით სარგებლობა უფასოა.

ფეხსაცმლის პარკში გადადება - თუ თქვენ აირჩევთ ფეხსაცმლის პარკში გადადების ოპციას ამ შემთხვევაში მოხდება ფეხსაცმელის ამოიღება, როგორც საფოსტო, ასევე მაღაზიის ორიგინალი ყუთიდან და გადაიდება პოლიეთილენის პარკში. ფეხსაცმლის გადადების სერვისით სარგებლობის დროს ტრანსპორტირების ფასის დადგენა მოხდება ფიზიკური ანუ რეალური წონით. თუ ერთ ამანათში მოთავსებულია რამოდენიმე ფეხსაცმელი მაშინ, მოხდება ყველა ფეხსაცმელის ამოიღება მაღაზიის ყუთიდან და პარკში გადადება. გთხოვთ გაითვალისწინოთ, რომ ფეხსაცმლის ყუთის გარეშე ტრანსპორტირებამ შესაძლოა გამოიწვიოს მისი დაზიანება.

გაითვალისწინეთ რომ:

■ თუ ამანათის დეკლარირება მოხდება მისი საწყობში მისვლის შემდეგ მაშინ ის ავტომატურად გადაიფუთება (თუ მისი გადაფუთვა შესაძლებელია) ამავე დროს ამანათში ფეხსაცმლის არსებობის შემთხვევაში, ის გადაიფუთება, მაგრამ, არ გადაიდება პარკში (ამან შეიძლება გაზარდოს თქვენი ტრანსპორტირების ფასი, მაგრამ ჩვენ ვერ მივიღებთ ისეთ გადაწყვეტილებას რომელმაც შეიძლება დააზიანოს თქვენი ამანათი, ფეხსაცმლის პარკში გადადება კი შეიძლება იყოს ამის მიზეზი.)

შესაბამისად, ასეთ შემთხვევაში, გაუგებრობების თავიდან ასაცილებლად, გთხოვთ, მოახდინოთ ამანათის დეკლალირება თქვენი ნივთის საწყობის მისამართზე მიტანამდე.

■ თუ თქვენი საწყობის მისამართზე რამოდენიმე სხვადასხვა ნივთი იგზავნება ერთი ამანათის კოდით, მაშინ, თქვენ უნდა მოახდინოთ ყველა ნივთის დეკლარირება ერთ დეკლარირების ფორმაში, "მე კიდევ მაქვს ამანათი ამავე კოდით" ღილაკზე დაჭერის და შესაბამისი ინფორმაციის შეყვანის საშუალებით.

■ შეიძლება ინტერნეტ მაღაზიის შეცდომის გამო ამანათის კოდი ვერ მიიღოთ დროულად, ამ შემთხვევაში ჩვენ თვითონ შეგატყობინებთ ინფორმაციას ამანათის მიღების შესახებ საწყობში და თქვენ შემდეგ შეძლებთ დეკლარირებას. ამ შემთხვევაში თქვენ ვერ შეძლებთ ამანათის სპეციალური დაზღვევის პირობებით დაზღვევას და ფეხსაცმლის პარკში გადადებას.